বাৰেকুৰি কিউ.পি.এছত অগ্নিকাণ্ড তাৎক্ষণিকভাৱে নিৰ্বাপন অইলৰ

‘দুলীয়াজান লাইভ E-Paper’ৰ দুলীয়াজান ২০ ডিচেম্বৰ :- তিনিচুকীয়া জিলাৰ বাৰেকুৰিৰ অইল ইণ্ডিয়া লিমিটেডৰ এটা কিউ পি এছত আজি বিয়লি সংঘটিত এক অগ্নিকাণ্ডৰ তাৎক্ষণিকভাৱে সমাধান কৰাত সক্ষম হয় প্ৰতিষ্ঠানটোৰ কৰ্মচাৰী । উল্লেখযোগ্য যে পানী আৰু গেছৰ এটা মিশ্ৰণ কাৰিকৰী বিজুতিৰ ফলত ফ্লেয়াৰ পিটত প্ৰৱেশ কৰাত জ্বলি যোৱাৰ ফলত ফ্লেয়াৰ পিটৰ পৰা ক’লা ধোঁৱা নিৰ্গত হয় । ইফালে কৰ্মৰত অইল কৰ্মচাৰীয়ে তাৎক্ষণিকভাৱে নিয়ন্ত্ৰণৰ চেষ্টা কৰি পৰিস্থিতি স্বাভাৱিক অৱস্থালৈ ঘূৰাই আনিবলৈ সক্ষম হয় । এক বিবৃতিত অইলে প্ৰকাশ কৰে যে কিছু কিছু সময়ত তেল অথবা গেছ উৎপাদনৰ বাবে ব্যৱহিত আহিলা-পাতিৰ বিজুতিৰ ফলত এনেধৰণৰ ঘটনা সংঘটিত হোৱাৰ সম্ভাৱনা থাকে, যদিও অইল ইণ্ডিয়াৰ প্ৰশিক্ষণপ্ৰাপ্ত কৰ্মকৰ্তাসকল এইধৰণৰ যিকোনো পৰিস্থিতিৰ বাবে সদায় সাজু থাকে যাতে পৰিৱেশত ইয়াৰ কোনো বিৰূপ প্ৰভাৱ নপৰে ।