গছ কাটিলে , মই জেঙ কৰিম-জুবিন গাৰ্গ

গুৱাহাটী ৩ নৱেম্বৰ: দীঘলীপুখুৰীৰ শতায়ু গৰকা গছ কাটি উৰণসেতু নিৰ্মাণৰ উদ্দেশ্যে চৰকাৰৰ সিদ্ধান্তৰ বিৰুদ্ধে অব্যাহত আছে প্ৰতিবাদী কাৰ্যসূচী। যোৱা নিশা কণ্ঠশিল্পী জুবিন গাৰ্গ উপস্থিত হৈ প্ৰতিবাদী যুৱক-যুৱতী জ্যেষ্ঠ নাগৰিকৰ লগত প্ৰতিবাদী সংগীত পৰিৱেশন কৰি চৰকাৰৰ এই সিদ্ধান্তৰ বিৰোধিতা কৰে।
কণ্ঠশিল্পী গৰাকীয়ে কয় যে “উন্নয়ন নামত গছ কাটি পুখুৰী পুতি উৰণসেতু নিৰ্মান কৰিবলৈ চৰকাৰক দিয়া নহব। মোৰ কথা চৰকাৰে শুনিব লাগিব, যদি নুশুনে মই জেং কৰিম ।” লগতে চৰকাৰক সকীয়নী প্ৰদান কয় “মই প্রতিবাদ কৰা মানুহ নহয় কিন্তু মই যেতিয়া ওলাই আহোঁ মন্ত্রী-বিধায়কতকৈও মোৰ লগত বেছি মানুহ ওলাই আহিব।”